Arysta úıi, dúkeni jáne úsh kóligi órtenip ketken turǵyn Úkimet basshysynan kómek surady

ARYS. QazAqparat - QR Premer-Mınıstri Asqar Mamın Arys qalasyna jumys sapary barysynda jergilikti turǵyndarmen kezdesip, jaǵdaılaryn bildi. Qalalyq halyqqa qyzmet kórsetý ortalyǵyn aralaý kezinde Úkimet basshysynan úıi tolyqtaı órtenip ketken turǵyn kómek surady, dep habarlaıdy QazAqparat tilshisi.

Іleshan Myńbaevtyń aıtýynsha, jarylys kezinde onyń úıine snarıad túsip, jańadan alǵan úsh kóligi men baspanasy, dúkeni men qora jaıy tolyqtaı janyp ketken. Osylaısha, kúndelikti tabysynan aıyrylǵan azamattyń úsh qoıy ǵana tiri qalypty. Qazirgi tańda bul otbasy apattan kelgen shyǵyn kólemin 100 mln teńgege baǵalap otyr. Osynshama shyǵynǵa batyp, otbasymen dalada qalǵan arystyq turǵyn kólikteriniń shyǵynyn eshkim ótep bermeı jatqanyn aıtady. Kólik saqtandyrý kompanııalary men jergilikti bılik shyǵyndardyń ótelmeıtinin aıtypty.

«Jarylystan 2012, 2013 jáne 2014 jyly shyǵarylǵan úsh kóligim janyp ketti. Sizden kómek suramasaq, basqa jaqtan kómek bolmaı tur. Sebebi, saqtandyrý kompanııasy bas tartyp jatyr. Olar tek jol kólik oqıǵasy kezinde ǵana tóleımiz deıdi. Soǵan kómek berseńiz», - dedi Іleshan Myńbaev.

Bul máseleni Úkimet basshysy Asqar Mamın qarastyryp kóretinin atap ótti. Al, arystyq turǵynnyń órtengen úıi men dúkenin Shyǵys Qazaqstan oblysy salyp beretinin jetkizdi.