Arysta ýchaskelik ınspektor qyzmettik kóligimen jol apatyn jasady
TÚRKІSTAN. QazAqparat - Arys qalasynda ýchaskelik ınspektor qyzmettik kóligimen joldyń qarsy betine shyǵyp ketip jeńil kólikpen soqtyǵysty, dep habarlaıdy QazAqparat QR ІІM Іshki jáne syrtqy kommýnıkatsııalar departamentiniń dırektory Almas Sadýbaevqa silteme jasap.
«19 qańtarda Túrkistan oblysynyń Arys qalasynda qyzmettik kóligin tizgindegen ýchaskelik ınspektor joldyń qarsy betine shyǵyp ketip jeńil kólikpen soqtyǵysty. Jol apatynan eshkim zardap shekpedi», - dep málim etti Almas Sadýbaev.
Qazir QR QK-niń 345-baby 1-bóligi boıynsha sotqa deıingi tergeý bastaldy.
«Medıtsınalyq saraptama aktisine sáıkes polıtseı ishimdik ishpegen. Qosymsha saraptamalar taǵaıyndaldy. Sonymen qatar, atalǵan oqıǵa boıynsha Túrkistan oblystyq Polıtsııa departamentinde qyzmettik tekserý júrgizilýde», - dedi Almas Sadýbaev.
