Arysta tótenshe jaǵdaı kezinde jumys istegen dámhana ıesi jaýapqa tartyldy
ARYS. QazAqparat - Koronovırýstyń taralýyna jol bermeý jáne onyń aldyn alý maqsatynda júrgizilgen reıd sharalarynyń barysynda Arys aýdandyq polıtsııa bóliminiń qyzmetkerleri birneshe zańbuzýshylyqtardy anyqtap, shara qoldandy.
Bul týraly QazAqparat Túrkistan oblystyq Polıtsııa departamentiń baspasóz qyzmetine silteme jasap habarlaıdy.
Reıd sharalry túngi ýaqytta adamdardyń toptasýyna, otyrystar, men jıyn-toılardy boldyrmaýdy kózdeıtin edi. Tártip saqshylary osyndaı kezekti reıdterdiń birinde Arys qalasyndaǵy belgili saýda ortalyǵynda ornalasqan dámhananyń saǵat túngi 22:00-den keıin jumys istep, turǵyndarǵa qyzmet kórsetkenin anyqtady.
Atalǵan jaıtqa baılanysty Arys aýdandyq polıtsııa bóliminiń polıtseıleri QR ÁQBtK-niń 476-baby «Tótenshe jaǵdaı rejımin buzý» boıynsha hattamalar toltyrdy.
«Ózderińizge belgili, Qazaqstan Respýblıkasynyń Prezıdenti qaýlysymen aǵymdaǵy jyldyń 16 naýryzy men 15 sáýir kúnderi aralyǵynda respýblıkamyzda tótenshe jaǵdaı jarııalanǵan bolatyn. Osyǵan qaraı Túrkistan oblysynyń polıtseıleri kúsheıtilgen rejımde jumystardy júrgizýde. Sonyń arqasynda tártip saqshylary tótenshe jaǵdaı rejımin buzýdyń 70-den astam jáıtin anyqtady. Quqyqbuzýshylarǵa 10 AEK kóleminde aıyppul salynyp, 17-si ákimshilik qamaýǵa alynǵan. Polıtseıler oblys turǵyndaryna tótenshe jaǵdaı kezinde zań talaptaryna sáıkes áreket etip, múmkindiginshe saqtyq sharalaryn ustanýdy eskertedi»,-delingen habarlamada.
