Arysta shegirtkege qarsy dárileý sharalary júrgizilip jatyr
TÚRKІSTAN. QazAqparat - Arys qalasynda shegirtkege qarsy dárileý sharalary júrgizilip jatyr, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.
Túrkistan oblysyndaǵy Arys qalasynda 6 sáýirden bastap qala aýmaǵyndaǵy jaıylymdyq jerlerdegi shegirtke zııankesteriniń taralýynyń aldyn alý maqsatynda hımııalyq kúres sharalary júrgizilip jatyr.
Zalalsyzdandyrý jumystaryna 12 tehnıka men «Ósimdik qorǵaý» JShS-nyń mamandary jumyldyrylǵan. Ótken aptada zalalsyzdandyrý alqaptaryndaǵy atqarylyp jatqan jumystarmen tanysý maqsatynda Túrkistan oblysy ákiminiń orynbasary U.Tájibaev, Túrkistan oblysy aýylsharýashylyǵy basqarmasy basshysynyń orynbasary T.Ospanov pen qala ákimi M.Qadyrbek zalalsyzdandyrý jumystary júrip jatqan Qojatoǵaı aýyldyq okrýginiń egistik alqaptaryna arnaıy baryp, jumys barysymen tanysty.
Eń basty maqsat - shegertke oshaqtaryn tez arada zalalsyzdandyryp, zııakesterdiń keń etek alyp ketýine tosqaýyl qoıý. Qala aýmaǵyna qarasty jaıylymdyq jáne egistik jerlerdi shegertkeden aman alyp qalý. Osy turǵyda oblys ákiminiń orynbasary sala basshylaryna naqty josparmen jumys isteýdi tapsyryp, jumysyna sáttilik tiledi.
