Arysta polıtseıler joǵalǵan jylqylardy bir kún ishinde taýyp berdi
ARYS. QazAqparat - Arys aýdandyq polıtsııa bólimine jergilikti turǵyn aryzdandy. Onyń aıtýynsha, túngi ýaqytta 1,5 jasar eki jylqysy qoradan shyǵyp ketken, dep habarlaıdy QazAqparat.
Arys ýchaskelik polıtseıleri aýyl-aımaqty túgel tekserdi. Qystaýlar men qoralardy muqııat qarap shyqty.
Nátıjesinde polıtseıler bir táýlik ishinde eki bas jylqyny 6 shaqyrym jerdegi aýyldyń jaıylym jerinen tabady.
Aýa raıynyń qolaısyzdyǵy men qalyń tumanǵa baılanysty jylqylar joldan adasyp, aýyldan uzap ketken.
Osylaısha joǵalǵan jylqylar ıesine tapsyryldy. Mal ıesi jedel áreket etip, iri qarasyn taýyp bergen polıtsııa qyzmetkerlerine raqmetin aıtty.
