Arysta mal ólekselerin izdeý jumystary jalǵasýda

NUR-SULTAN. QazAqparat - Arys qalasynda mal ólekselerin izdeýge 60 veterınar men 6 tehnıka jumyldyryldy, dep habarlaıdy QazAqparat tilshisi.

Jarylys kezinde jurtta qalǵan 187 bas mal búginde ıelerine qaıtarylǵan.

«Meniń bilýimshe, qoradaǵy15 bas iri mal men 172 usaq maldyń ıeleri tabylǵan. Al ólgen maldyń sany áli anyqtalyp jatyr», - deıdi QR Tótenshe jaǵdaılar komıtetiniń tóraǵasy Vladımır Bekker.

Komıtettiń resmı aqparatyna qaraǵanda, apat kezinde qyrylǵan maldy izdeý Arys qalasynyń veterınarııa qyzmetine júktelgen.

«Mal ólekselerin anyqtap, kózin joıýǵa 60 adam men 6 tehnıka jumyldyryldy. Búginge deıin 203 mal men 502 qustyń óleksesi joıyldy», - delingen resmı aqparatta.

Eske salsaq, ortalyq kommýnıkatsııalar qyzmetinde ótken brıfıngte QR Tótenshe jaǵdaı komıtetiniń tóraǵasy Vladımır Bekker Arysta áli de 1300-ge jýyq saper jumys istep jatqanyn aıtqan bolatyn. Onyı aıtýynsha, Arystaǵy apattyń shyǵyn kólemi - shamamen 20 mlrd teńge.

Sondaı-aq, shahar turǵyndarynan múlkiniń urlanǵany týraly 85 aryz túsken.