Arysta qymyrandy qurǵaqtaı daıyndaıtyn kásiporyn iske qosylmaq
Búginde «King Milk» JShS túıe sútin óńdep, odan qurǵaq sút óndiretin tseh qurylysy aıaqtalýǵa jaqyn.
Qala ákimi Gúljan Mamytqyzy kásiporyn jumysymen arnaıy tanysyp, jobanyń óńir úshin mańyzdylyǵyn aıtyp ótti.
- Qalamyzǵa ınvestorlar tartý jumystary jalǵasýda. Paıdalanýǵa berilgeli otyrǵan tseh jańa jumys oryndarynyń ashylýyna, Arystyń damýyna óz úlesin qosady. Arysqa kelip ınvestıtsııa salyp jatqan azamattarǵa biz qolymyzdan kelgenshe qoldaý kórsetýge árqashan da daıynbyz, - dedi Gúljan Mamytqyzy.
Aımaqta alǵash ret qolǵa alynyp otyrǵan joba boıynsha jylyna 72 tonnadan astam túıe sútiniń qurǵaq qospasy óndiriledi. Tsehtyń qurylys jumystary bıyl aqpan aıynyń sońynda aıaqtalmaq. Jalpy quny 200 mln teńgeni quraǵan joba iske qosylǵanda 15-20 adam jumyspen qamtylady. Munda ázirlengen daıyn ónimder respýblıka naryǵynan bólek, alys-jaqyn shet elderge eksporttalady dep josparlanyp otyr.
- Jańa jumys oryndarynan bólek, otandyq shıpaly ónimdi shetelge eksporttaýǵa múmkindik týyp otyr. Al qurǵaq kúıdegi túıe sútiniń ózi kóptegen dertke daýa, emge shıpa bolyp tabylady, - deıdi «King Milk» JShS-niń dırektory Erbol Ánýarbekuly.
