Arysta koronavırýsty bir otbasynyń 5 múshesi juqtyrǵan
ARYS. QazAqparat – Túrkistan oblysy, Arys qalasynda bir otbasynyń bes múshesi koronavırýs juqtyrǵany anyqtaldy, dep habarlaıdy QazAqparat tilshisi.
Oblystyq ákimdiktiń málimtinshe, barlyq naýqastardyń jaǵdaıy qanaǵattanarlyq. Vırýs juqtyrǵandar oqshaýlanyp, tıisti em qabyldaýda.
«Arys qalasynda turatyn 1965 jyly týǵan azamatsha men 1987 j., 1989 j., 1998 j., 2004 j., 2010 j. týǵan bir otbasynyń músheleri qaýipti indet juqtyrǵan. Koronavırýs juqtyrǵan taǵy bir naýqas Báıdibek aýdany, Bógen aýyldyq okrýgi, Myńbulaq aýylynyń 1987 j.turǵyny. Ol COVID-19 vırýsyn juqtyrǵan azamatpen jaqyn baılanysta bolǵan» delingen oblys ákimdiginiń habarlamasynda.
Aıta keteıik, óńirde qaýipti indet juqtyrǵan adamdardyń sany 43-ke jetti. Jetisaı aýdanynda – 14, Kentaýda - 5, Ordabasy - 2, Saıram - 2, Maqtaral - 4, Arys - 14, Saryaǵash - 1, Báıdibek -1 turǵyny indetke shaldyqqan. Onyń ishinde 1956 j týǵan azamat 4-shi sáýir kúni qaıtys bolǵan.
