Arysta kásipkerlerge «Bıznes bızneske kómektesedi» jobasy aıasynda qoldaý kórsetildi

Atalǵan joba aıasynda Qazaqstannyń iri kompanııalary zardap shekken kásipkerlerge demeýshilik jasap, jóndeý jumystaryna ketken shyǵyndaryna ótemaqy berildi, dep habarlaıdy QazAqparat tilshisi.

Qalalyq ákimdiktiń málimetinshe, Arysta jalpy sany 556 kásipkerlik nysany bar. Olardyń 480-i jóndeýdi qajet etedi. Jarylys kezinde zaqym kelgen ǵımarattardyń qatarynda 20 toıhana, 27 saýda oryny, 45 dámhana men halyqqa kyzmetin usynyp otyrǵan basqa da 388 bıznes nysany bar. Búginde toǵyz joldyń torabyndaǵy qala turǵyndaryna kásip ashyp, ekonomıkalyq jáne áleýmettik jaǵdaıyn damytý maqsatynda jumys jasap jatqan «Qamqor» baǵdarlamasy shaǵyn nesıeler berýin jalǵastyrýda.