Arysta fermerler odaǵynyń jıyny ótti
TÚRKІSTAN. QazAqparat – Búgin Túrkistan oblysy Arys qalasy ákimdiginde qalalyq fermerler odaǵynyń jıyny ótti, dep habarlaıdy QazAqparat tilshisi.
Sharaǵa oblystyq fermerler odaǵynyń tóraǵasy Júsip Sháripov pen Arys qalasy ákiminiń orynbasary Saparbaı Dáribaıuly, derbes bólim basshylary men qyzmetkerleri, aýyldyq okrýg ákimderi men qyzmetkerleri, sharýa qojalyq tóraǵalary men fermerler qatysty.
Jıynda oblystyq fermerler odaǵynyń tóraǵasy J.Sháripov baıandama jasap, fermerlerdi aldaǵy atqarylar isterde birlese jumys atqarýǵa shaqyrdy.
Sondaı–aq, Arys qalasy ákiminiń orynbasary S.Dáribaıdy «Aýyl sharýashylyǵy ardagerler uıymy» qoǵamdyq birlestiginiń «Qurmetti ardager» tósbelgisimen marapattady.
Qala ákiminiń orynbasary S.Dáribaı Arys qalalyq fermerler odaǵynyń tóraǵasyna Elemes Sarıevti usynyp, ol qalalyq fermerler odaǵynyń tóraǵasy bolyp saılandy.
Kezdesýde jıynǵa qatysýshylar tarapynan usynys-pikirler aıtylyp, suraqtar qoıyldy. Barlyq suraqtarǵa zań sheńberinde tuşymdy jaýaptar berildi.
