Arysta etnos ókilderi saılaý ýchaskesine ulttyq kıimmen keldi
Arys qalasynda turatyn túrli etnos ókilderi QR Prezıdentiniń kezekten tys saılaýynda daýys berip, óz tańdaýyn jasap jatyr. Barshasy saılaý ýchaskesine ulttyq kıimmen kelip, eldegi berekeli birlikti pash etti.
Atap aıtsaq, «Tatar-Bashqurt etno-mádenı» ortalyǵynyń tóraǵasy Rasıl Baıkov №10 saılaý ýchaskesinde ómirinde erekshe mańyzǵa ıe saılaýǵa ún qosyp, elimizdiń turaqtylyǵy men tynyshtyǵy úshin daýys berdi.
Sondaı-aq, «Iran-Ázerbaıjan etnomádenı» ortalyǵynyń tóraǵasy Randjbarı Hýsen saılaý ýchaskesinde bolyp, óz ustanymyn bildirdi.
Osylaısha, Arys qalasynda turatyn túrli etnostar birlik pen tatýlyqty tanytty.
«Saılaý - el ómirindegi mańyzdy oqıǵalardyń biri. Bul saılaýda halyqtyń artqan úmiti zor, soǵan sáıkes belsendiligi de óte joǵary. Jastar da erekshe atsalysýda», - deıdi Rasıl Baıkov.
Aıta keteıik, Arys qalasy boıynsha 18 saılaý ýchaskesi bolsa, onda 32 652 saılaýshy bar. Tıisinshe, qalaǵa qarasty aýyldyq okrýgterde jalpy 16 saılaý ýchaskesi 11 697 saılaýshy daýys berý quqyǵyna ıe. Osylaısha, Arys qalasy boıynsha daýys berý quqyǵyna ıe azamattar sany 44 349 qurap otyr.
