Arysta dúken ishinen dárihana ashyp alǵandar dári-dármekti zańsyz satyp kelgen
TÚRKІSTAN. QazAqparat - Túrkistan oblysynyń polıtseıleri dári-dármekti joǵary baǵamen satýdyń kezekti faktilerin anyqtady, dep habarlaıdy QazAqparat.
Túrkistan oblysynyń polıtseıleri karantın kezinde suranysqa ıe dári-dármek satý faktilerin anyqtaý úshin kezekti reıdke shyqty. Kún saıyn polıtseıler, densaýlyq saqtaý jáne jergilikti organ ókilderinen turatyn mobıldi top reıd júrgizedi.
Budan bólek, mobıldi toptar karantın kezinde maska rejımin jáne basqa da sanıtarlyq qaýipsizdik normalaryn saqtaý úshin profılaktıkalyq jáne túsindirý jumystaryn júrgizedi.
Mysaly, Arys aýdanynda mobıldi top dárihanalardyń birin tekserý kezinde birqatar zańbuzýshylyqtardy anyqtady. Bul dárihana sanıtarlyq normalardy saqtamaǵan, talapqa saı kelmeıdi, azyq-túlik dúkenimen bir ǵımarattyń ishinde ornalasqan.
Dárihana qyzmetkeri dári-dármekti tıisti lıtsenzııasyz satqan. Tekserý barysynda mobıldi top satýshydan 400-ge jýyq oramnan 140 túrli dári-dármek tárkiledi.
Sol kúni Arys aýdandyq polıtsııa bólimine jergilikti dárihanalardyń birinde dári-dármekterdi joǵary baǵamen satatyny týraly habarlama kelip tústi. Tekserý barysynda dárihananyń satýshysy «Novıgan Neo» jáne «Nımesýlıd» dárilerin joǵary baǵamen satqany anyqtaldy.
Barlyq materıal tıisti sheshim qabyldaý úshin taýarlar men qyzmetterdiń sapasy men qaýipsizdigin baqylaý komıtetine jiberiledi.
Saryaǵash aýdanynyń polıtsııa bólimine Saryaǵash qalasynda belgisiz tulǵalar dári-dármekterdi joǵary baǵamen satatyny týraly habarlama túsken. Jedel-izdestirý is-sharalaryn júrgizý barysynda, jergilikti turǵynnyń «Meropenem» 50 qaptamasyn tıisti qujatsyz 590 myń teńgege satyp jatqan jerinen ustady.
Tártip saqshylary aıǵaqty tárkilep alyp, jas jigitti polıtsııa bólimine jetkizdi. Atalǵan jaıt Saryaǵash aýdandyq polıtsııa bólimine tirkelip, tekserý júrgizilýde.
Tártip saqshylary Maqtaaral aýdanynda taǵy bir dári-dármekterdi joǵary baǵamen satý oqıǵasyn anyqtady. Polıtsııaǵa jergilikti turǵyn Atakent kentindegi dárihanada dári-dármekterdi belgilengen baǵadan qymbat satyp jatqany týraly aryzdanǵan. Polıtsııa qyzmetkerleri dárihana qyzmetkeri «askorbın qyshqylynyń» 2 býmasyn 1400 teńgeden satqanyn anyqtady (belgilengen baǵasy - 700 teńge).
Jınaqtalǵan materıaldy polıtseıler zańdy sheshim qabyldaý úshin Túrkistan oblysy boıynsha farmatsevtıkalyq baqylaý bólimine joldady.
Óz kezeginde Túrkistan oblysynyń polıtseıleri azamattarǵa karantın men maska rejımin saqtaý qajettigin eskertedi.
