Arysta depodan shyqqan órt sóndirildi- TJK
NUR-SULTAN. QazAqparat - Arys qalasyndaǵy jóndeý-eksplýatatsııa deposynan shyqqan órt sóndirildi. Bul týraly QazAqparat QR Tótenshe jaǵdaı komıtetine silteme jasap habarlaıdy.
Buǵan deıin, Arys qalasyndaǵy temir jol deposynyń TChE 32 tsehynda órt bolyp jatqany týraly habarlaǵan bolatynbyz.
«Qyzyl jalyn jalpy aýmaǵy 2040 sharshy metrdi qamtyǵan. Ony sóndirýge Túrkistan oblysy tótenshe jaǵdaı komıtetiniń jeke quramynan 41 qyzmetker men 10 tehnıka tartyldy. Stansanyń 8 qyzmetkeri de jalyndy aýyzdyqtaýǵa atsalysty. Órt saǵat 16.45-te sóndirildi», - delingen baspasóz málimetinde.
