Arysta atysqandar sottaldy

Mamandandyrylǵan sotta iske tóraǵalyq etken sýdıa Dáýren Madalıev sottalýshylardyń kináli dep sheshim shyǵardy. Aıta keter jaıt, úkim oqylmas buryn sýdıa osy qylmysty isti tergegen ishki ister departamentiniń asa mańyzdy isterdi tergeıtin tergeýshige jekeshe qaýly shyǵardy. Óıtkeni tergeýdi júrgizgen Qurmanbekov osy isti qaraý barysynda eleýli zań buzýshylyqtarǵa jol bergen bolyp shyqty.

Qylmysty is boıynsha jınaqtalǵan materıaldar boıynsha sot basty aıyptalýshy Arman Sarybaevty 11 jyl 6 aıǵa bas bostandyǵynan aıyrdy. Ol jazasyn qatań rejımde óteıtin bolyp sheshildi. Al onyń sybaılasy Nurmahan Súleımenovke jaza jeńildetile berildi. Ol segiz jylyn temir tordyń ar jaǵynda ótkizetin boldy.

Oqylǵan úkim zańdy kúshine 15 kúnnen keıin enedi. Oǵan deıin úkimmen kelispegen taraptar shaǵymdanýǵa quqyly.

 Eske salaıyq, bul keleńsiz jaıt, Arys qalasynda tirkelgen bolatyn. Oqys oqıǵa eki jigittiń bir-birine degen alaýyzdyǵynan, ózara janjaldasýdan týyndaǵan. Sóıtip Arys-1 jáne Arys-2 dep bólingen bir aýyldyń jigitteri kóshelerdiń ortasynda jappaı atysyp, pyshaqtasqan.