Arysta áskerı bólimdi kóshirý jumystary bastaldy - Qorǵanys mınıstrligi

ARYS. QazAqparat - Arys qalasynda QR Prezıdenti- QR Qarýly Kúshteriniń Joǵarǵy Bas qolbasshysy Qasym-Jomart Toqaevtyń tapsyrmasyn oryndaý maqsatynda áskerı bólimdi qaıta kóshirý jumystary bastaldy. Bul týraly Qorǵanys mınıstrliginen málim etti, dep habarlaıdy QazAqparat.

«Qazirgi ýaqytta jarylmaǵan oq-dárilerdi tıeý jáne shyǵarý júzege asyrylýda. Áskerı bólimdi qaıta kóshirý máselesi QR Qorǵanys mınıstri, general-maıor Nurlan Ermekbaevtyń jeke baqylaýynda», - dedi vedomstvodan.

Oq-dáriler tıelgen kólikterge áskerı qaraýyl men áskerı polıtsııa ilesip júredi.

«Qazirgi sátte qalanyń tynys-tirshiligin qalpyna keltirý úshin tótenshe jaǵdaı saldaryn joıýǵa tartylǵan QR Qarýly Kúshteriniń barlyq qyzmetteri men bólimsheleriniń jumysy jalǵasyp jatqanyn eske salamyz. Qazirgi ýaqytta jarylys qaýpi joq oq-dárilerdi anyqtaý jáne joıý boıynsha jumystar júrgizilýde», - dedi mınıstrlikten.