Arysta alǵashqy balyq sharýashylyǵy iske qosyldy
ARYS. QazAqparat - Bıylǵy jyldyń mamyr aıynda Arys qalasy, Dermene aýylynan «Dermene Agro Grýpp» JShS dırektory, jeke kásipker Dúısenbi Dinmuhammed óz qarjysy esebinen úsh balyq asyraý buǵatynyń (basseın) qurylysyn bastaǵan bolatyn. Mine endi sol qurylystyń negizgi bóligi aıaqtalyp, úsh mıllıonǵa jýyq tuqy shabaqtary sýǵa jiberildi, dep habarlaıdy qala ákiminiń baspasóz qyzmeti.
Bul sharaǵa Arys qalasynyń ákimi M.Qadyrbek, aýyldyq okrýg ákimi J.Kadıev bólim basshylary men qoǵamdyq uıymdardyń ókilderi, ardagerler qatysty. Shabaqtar Qyzylorda oblysy, Aral qalasyndaǵy qoldan balyq ósirý sharýashylyǵynan jetkizilgen.
«Dermene Agro Grýpp» JShS 1 jyl 6 aı merzimde alǵashqy balyq ónimin alýdy josparlaýda. Bir tuqy balyǵynyń uzyndyǵy 40 santımetrge jetedi, al salmaǵy 800 gr - 3 kg aralyǵynda bolady.
Atalǵan balyq asyraý buǵatynda 4 jergilikti turǵyn turaqty jumys isteıdi. Jeke kásipker D.Dúısenbi endi osy jerdiń aýmaǵyna jasyl jelekter egip, abattandyrýdy josparlap otyr.
