Arysta 804 úı qalpyna keltirildi

ARYS.QazAqparat – 13 shildedegi derek boıynsha Túrkistan oblysy Arys qalasynda 804 úı qalpyna keltirildi, dep habarlaıdy QazAqparat tilshisi QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Vedomstvoda atap ótkendeı, qazir 3512 jeke turǵyn úı jáne kóppáterli turǵyn úı nysanynda jumystar júrip jatyr (bir kún buryn 3232 nysan). Onda 5346 qurylysshy jáne 231 arnaıy tehnıka jumyldyrldy.

«Osylaısha, qurylysshylar bir táýliktiń ishinde 280 úıdi jóndeýden ótkizdi. Sondaı-aq, 1610 qurylysshy 62 áleýmettik nysandy (53 bilim berý, 6 – densaýlyq saqtaý jáne 3 sporttyq nysan) qalpyna keltirip jatyr», - delingen habarlamada.

QR IIDM basshysynyń birinshi orynbasary Qaıyrbek Óskenbaevtyń aıtýynsha, kún saıyn úılerge monıtorıng júrgizilip, qurylys jumystaryna baqylaý jasalýda. Elbasy men Memleket basshysynyń tapsyrmasy boıynsha, zaqymdalǵan jáne qıraǵan nysandar 2019 jyldyń 1 tamyzyna deıin berilýi tıis.

Avtor: Aqbota Kúzekbaı