Arysta 7 myńnan astam qurylysshy eńbek etýde – mınıstrlik
Olardyń basym bóligi áskerı polgonda bolǵan jarylystan tolyqtaı buzylǵan 413 úıdi qaıta salyp jatyr, dep habarlady QR Indýstrııa men ınfraqurylymdyq damý mınıstrliginiń baspasóz qyzmeti.
Sondaı-aq, brıgadanyń 17 sektorynda jeke turǵyn úı qurylysy men kóp páterli turǵyn úılerde 2 myń nysanǵa jóndeý jumystaryn júrgizdi. Osylaısha, 6,5 myń úıde negizgi qalpyna keltirý jumystary aıaqtaldy. Bul zardap shekken Arys turǵyn úı qorynyń 90% quraıdy.
Eske salaıyq, jýyrda QR Premer-Mınıstri Asqar Mamın Túrkistan oblysyna jasaǵan jumys sapary barysynda Arys qalasyndaǵy qurylys jáne zalal kelgen úıler men áleýmettik, ınjenerlik nysandary jóndeý jumystarymen tanysyp shyqty.
Asqar Mamınniń tapsyrmasy boıynsha, qalǵan jeke úılerdiń jóndeý jumystary 10 tamyzǵa deıin aıaqtalýy tıis. Kópqabatty turǵyn úılerdi qalpyna keltirý jumystary – 20 tamyzda bitýi kerek. Sondaı-aq, 20 tamyzǵa deıin barlyq áleýmettik nysandar tapsyrylýy shart.
