Arysta 5776 úıdi qalpyna keltirý boıynsha negizgi jumystar aıaqtaldy

ARYS. QazAqparat - Arysta 31 shildege qaraı 5776 úıde qalpyna keltirý jumystary aıaqtaldy. Onyń ishinde 2529 úıge árleý jumystaryn júrgizý jalǵasýda,-dep habarlaıdy QR Indýstrııa jáne ınfraqurylymdyq damý mınıstrliginiń baspasóz qyzmeti.

Qalany 17 sektor boıynsha 7,7 qurylysshylar qalpyna keltirýde. Búgingi tańda jumysshylar 4 kóppáterli turǵyn úıdi paıdalanýǵa tapsyrdy, taǵy da 17 kóp qabatty úılerde kúrdeli jóndeý jumystary aıaqtaldy, onda árleý jumystary ǵana qalyp otyr.

Arys qalasyn qalpyna keltirýge elimizdiń barlyq óńirleri, sondaı-aq respýblıkalyq mańyzǵa ıe qalalar da óz úlesterin qosýda. TJ oryn alǵan alǵashqy kúnnen bastap qurylys jumystaryna baqylaý jáne monıtorıng jasaýdy mınıstrliktiń birinshi vıtse-mınıstri Qaıyrbek Óskenbaev júrgizýde.