Arysta 5051 otbasy óz úılerine oraldy

ARYS. QazAqparat - 29 shildede qurylysshylar Arys qalasynda qalypqa keltirilgen 2707 baspanany tapsyryp, 5051 otbasy óz úılerine oraldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

«Taıaýda taǵy 2344 úıde negizgi qalpqa keltirý jumystary aıaqtaldy. Búginde 7785 qurylysshy qalany qalpyna keltirýdi jalǵastyrýda. Bir aı ishinde olardyń qatary taǵy da kún saıyn eki júzge tarta jumyskermen tolyqpaq», delingen QR Indýstrııa jáne ınfraqurylymdyq damý mınıstrliginiń baspasóz qyzmeti taratqan habarlamada.

Indýstrııa jáne ınfraqurylymdyq damý mınıstrliginiń aqparatyna sáıkes, keń kólemdi qurylys jumystaryna elimizdiń barlyq oblystary, sondaı-aq respýblıkalyq mańyzy bar qalalar qatysady. Arys qalasyn qalpyna keltirý jumystarynyń barysy Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaevtyń tikeleı qadaǵalaýynda ekeni aıtylǵan