Arysta 5 jáne 8 jastaǵy aǵaıyndy balalar izdestirilip jatyr
ARYS. QazAqparat – Túrkistan oblysynyń Arys qalasynda aǵaıynda balalar joǵalyp ketti, dep habarlaıdy QazAqparat Arys aýdany ákiminiń baspasóz qyzmetine silteme jasap.
Baspasóz qyzmeti taratqan málimetterge qaraǵanda, 2012 jyly týǵan Aqjigit Jumanııazov pen onyń inisi 2015 jyly týǵan Nurjigit Jumanııazov Arys qalasynan 40 shaqyrym jerde ornalasqan Qojatoǵaı aýyldyq okrýgindegi Qaraǵaıly qystaýynda turady. Balalar 11 jeltoqsan kúni úı mańynda oınap júrip, belgisiz baǵytqa ketip qalyp, qaıtyp oralmaǵan.
Aıryqsha belgileri:
Aqjigit Jumanııazov 2012 jyly týǵan. Ústinde qyzyl tústi jempir, sur tústi sporttyq shalbar, aq tústi bas kıimi bolǵan. Boıy shamamen 120-130 sm.
Nurjigit Jumanııazov 2015 jyly týǵan. Ústinde kók tústi kúrteshe, qara tústi sporttyq shalbar, basynda qyzyl tústi bas kıim bolǵan. Boıy shamamen 120-130 sm.
Qazirgi tańda qala ákiminiń basshylyǵymen shtab qurylyp, izdestirý jumystary jalǵasýda.
«Joǵalǵan balalar qaıda ekendigi týraly aqparattan habardar bolsańyzdar «102» nómirine habarlasýlaryńyzdy suraımyz»,-delingen habarlamada.
