Arysta 3 saýda orny karantın shekteýine qaramastan keshki ýaqytta jumys istegen
ARYS. QazAqparat – Polıtsııa Arys qalasyndaǵy 3 saýda orny karantın shekteýine qaramastan keshki ýaqytta ashyq turǵanyn anyqtady, dep habarlaıdy QazAqparat Túrkistan oblysy Polıtsııa departamentiniń baspasóz qyzmetine silteme jasap.
Arys aýdandyq polıtsııa bóliminiń qyzmetkerleri Arys qalasy ákimdigi qyzmetkerlerimen birlesip, karantın talabynyń saqtalýyn qadaǵalaý úshin oıyn-saýyq ortalyqtary men saýda oryndarynyń halyqqa qyzmet etýin baqylady.
Sonyń nátıjesinde Arys qalasyndaǵy 3 saýda orny keshki ýaqytta ashyq turǵany anyqtaldy. Olarǵa QR ÁQBtK-niń 425-baby boıynsha hattama toltyryldy. 1 saýda dúkenniń ıesi karantın rejımin saqtamaǵan. Sonymen qatar polıtsııa qyzmetkerleri kóshedegi jaıaý júrginshilerge karantın rejımin saqtaý boıynsha túsindirý jumysyn júrgizdi.
Túrkistan oblysy Polıtsııa departamenti karantın kezinde bekitilgen talaptardy oryndamaı, turǵyndardyń densaýlyǵyna qaýip tóndiretin azamattar tıisti jaýapqa tartylatynyn eskertedi. Sondyqtan Bas sanıtarlyq dárigerdiń qaýlysynyń talaptaryn qatań saqtaý, betperde kııý jáne ara qashyqty saqtaýdy esten shyǵarmaý kerek.
