Arysta 17 túp arsha otyrǵyzylyp, tamshylatý júıesine qosyldy
Túrkistan oblysy ákiminiń birinshi orynbasary Qosman Aıtmuhametov tóraǵalyq etken otyrysta Arysta atqarylyp jatqan jumystar men jol, káriz júıesi men qujattandyrý máselesi jaıly sońǵy málimetter talqylandy.
Qazirgi tańda Arys qalasynda turǵyn úı sany 8522 bolsa, sonyń 7 myńnan astamy zaqymdanǵan. 468 turǵyn úı tipten jaramsyz dep tanylǵan. Sońǵy málimetter boıynsha, jóndeý jumystary júrgen turǵyn úılerdiń basym bóligi tolyq aıaqtalyp, otbasylar qonystanǵan. Qurylys jumystary tolyqtaı súrilip, jańadan salynyp jatqan úılerde qyzý júrip jatyr. Qurylys jumystarynyń sapasyna kelispegen ne saraptaý qorytyndysyna narazy birneshe úı ıelerimen túsindirý jumystary júrgizilip, ońtaıly sheshilýde.
Sondaı- aq, jıynda Túrkistan qalasynyń ákimi Rashıd Aıýpov shahardaǵy ár sektordaǵy qurylys jumystaryna toqtaldy. Túrkistan qalasy 16 sektorǵa bólinip, olar boıynsha oblystyń basqarmalary, aýdan-qalalary jáne de qalalyq ákimdiktiń bólimderi jaýapty bolyp bekitilgen bolatyn. Barlyq aýmaqtardyń jumystary tynymsyz júrgizilip jatyr. Tazalaý jumystarynyń arqasynda Túrkistan qalasy boıynsha bir ǵana sektordyń ózinen 10 tonnaǵa deıin kúl-qoqys shyǵarylǵan. 17 000 boz arsha (týıa) túp aǵashy otyrǵyzylylyp, tolyqtaı tamshylatý sýǵarý júıesi júrgizilgen. Oralmaly gazon jaıylyp, kógaldandyrý jumystary júrgizilip jatyr. Aýlalarda balalarǵa arnalǵan oıyn, fýtbol alańshalary salynyp, tennıs korty paıdalanýǵa berilgen.
Jıyndy qorytqan oblys ákiminiń orynbasary Qosman Aıtmuhametov barlyq sektor jaýaptylaryna qurylys pen onyń qujattandyrý jumystaryn, sondaı-aq kóshelerdi jaryqtandyrý jáne qujattandyrý jumystaryn erejege sáıkes tolyq aıaqtaýdy tapsyrdy.
