Arysta 1100-ge jýyq úıdiń jóndeý jumystary aıaqtaldy

ARYS. QazAqparat - Qazirgi tańda Arys qalasynda naqty 1091 úıdiń jumysy tolyq aıaqtalǵan. Sondaı-aq, 4362 úıdiń qurylys jáne jóndeý jumystary atqarylyp jatyr, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Aıta keterligi, Arys qalasynda 8409 jeke, 104 kópqabatty turǵyn úı bar. Jarylys kezinde múldem jaramsyz kúıge túskeni – 186 jeke, 8 kópqabatty úı. Al zaqymdaǵany – 7178 jeke, 95-si kópqabatty úı. Jalpy 17 sektor boıynsha respýblıkanyń barlyq oblystarynan – 5685, aýdandardan 300-den astam jumysshy eńbek etýde.

Budan ózge Arys qalasyndaǵy 14 mektep, 2 aýrýhana, 28 balabaqsha, birneshe memlekettik mekemelerdiń ǵımarattaryna zaqym kelgen. Arys qalasynda 66 áleýmettik nysandy qalpyna keltirý «Samuryq – Qazyna» ál-aýqat qoryna tapsyrylǵan. Onyń 54-i bilim nysandary, 8-i densaýlyq saqtaý, 4-ýi sport nysandary. Áleýmettik ınfraqurylym boıynsha 66 nysanda qurylys jumystary júrgizilýde.

Sonymen qatar, qaladaǵy 300-ge jýyq kásipkerlik nysandar «Atameken» kásipkerler palatasynyń uıymdastyrýymen jóndeýden ótkiziletin bolady. Aldaǵy ýaqytta jergilikti turǵyndarǵa joǵary sapaly medıtsınalyq kómek kórsetý maqsatynda jańa aýrýhana jáne eki emhana boı kóteredi.