Arysqa kómek: Túrkistandyq kásipkerler azyq-túlik jetkizip jatyr
Túrkistan qalasynda 300 adamǵa arnalǵan oryn daıyndaldy. Qazir kelgen adamdardy ornalastyryp, olarǵa medıntsınalyq jáne psıhologııalyq kómek kórsetilýde. Túrkistan oblysy Kásipkerler palatasynyń qyzmetkerleri kúshimen evakýatsııalaý kezinde ata-anasynan ajyrap qalǵan balalardy izdestirý jumystaryn uıymdastyrýda. Palata janynan shuǵyl jeli quryldy. Arystyq jerlesterdiń kóp bóligi Shymkent qalasynda ornalastyrylǵandyqtan Palata janynan qurylǵan jumys toby kómek kórsetýge Shymkentke de shyqty. Qoldan kelgenshe qarajatyn bólip jatqan azamattar da bar»,- deıdi oblystyq Kásipkerler palatasynyń dırektory Dúnmuhamed Ábsattarov.
Máselen, Óńirlik keńestiń múshesi - «Kombınat Farab» JShS dırektory Ábdirasul Qurbanalıev vokzalǵa azyq-túlik ónimderin jetkizip bergen. Al, al kásipker Irına Namazbaeva adamdarǵa keshki as uıymdastyrdy. «KTZ» dırektory Haırýlla Kojabaev 1 mln teńge kóleminde komek bergen. Ózge de isker azamattar zardap shekkenderdi ýaqytsha turǵyn jaılarǵa ornalastyryp jatyr.
Sondaı-aq, «Atameken» UKP tarapynan Arys qalasynda zardap shekken azamattarǵa kómek berý shoty ashylyp, Túrkistan oblysy ÓKP bazasynda Arys qalasynyń zardap shekken turǵyndaryna kıim jınaý bólimi jumys isteýde. Azamattar kıim jáne azyq-túlik ónimderin Túrkistan qalasy, Qojanov kóshesi 42 «Atameken» ÓKP mekenjaıyna ákelip, tapsyrýlaryna jaǵdaı jasalǵan. Kez kelgen adam kompıýter nemese smartfon arqyly siltemege https://atamekenim.kz/ru/requests/13537 ótip («Kómek bergim keledi» batyrmasy), qarajat aýdara alady. Baılanys telefony: +7 778 534 12 64 Aqmaral. Qarjylaı kómekti bank rekvızıti arqyly aýdarýǵa bolady:
010000, g.Nur-Sultan, Esil aýdany, Syǵanaq, 25-úı
BSN 180540015308
IIK KZ759470398991370112
BSK ALFAKZKA
«Alfa-Bank» AQ
