Arysqa kómek: Sybaılas jemqorlyqqa qarsy agenttik 10 mln teńge aýdardy
QR Ulttyq qaýipsizdik komıtetiniń jeke quramy Arystaǵy apattan zardap shekken turǵyndarǵa bir kúndik eńbekaqysyn aýdardy.
Qarajat Túrkistan oblysy ákimdiginiń janyndaǵy «Túrkistan» korporatıvtik áleýmettik qorynyń esebine joldanǵan. Dál osyndaı kómekti QR Sybaılas jemqorlyqqa qarsy is-qımyl agenttigi de kórsetip otyr. Naqtyraq aıtsaq, agenttik 10 mln 334 myń teńgeni «Túrkistan» áleýmettik damý korporatıvtik qoryna qarajat jiberdi.
Saýaby mol ortaq isten QR Energetıka mınıstrligi de shet qalmady. Mınıstrliktiń ortalyq apparaty men aýmaqtyq departament qyzmetkerleri bir kúndik jalaqysyn Arys qalasynyń turǵyndaryna kómek kórsetý qoryna joldaǵan.
Sondaı-aq, atalmy mınıstrlik ujymy eldegi munaı-gaz, energetıka salasyndaǵy kásiporyndar men kompanııalardy qıyn qystaýǵa tap bolǵan Arystyqtarǵa kómektesýge shaqyrǵan málimdeme de jasady.
