Arys turǵyny kórshisin aldap soǵyp, onyń atyna 3 nesıe rásimdegen
Atalǵan jaıt Arys aýdandyq ishki ister bóliminiń sotqa deıingi tergeý bóliminiń tizilimine QR Qylmystyq kodeksiniń 190-baby «Alaıaqtyq» boıynsha tirkeýge alynyp, qylmystyq is qozǵaldy.
Polıtseıler atalǵan iske kúdiktini quryqtaý úshin qajetti degen sharalardyń barlyǵyn derlik atqardy. Osylaısha jedel júrgizilgen jumystardyń nátıjesinde kúdiktiniń kim ekeni anyqtaldy.
Tártip saqshylar kúdiktini turǵylyqty mekenjaıynda quryqtady.
Anyqtalǵandaı, kúdikti áıeldiń tólenbegen nesıesi bolǵandyqtan, bank kártishkesindegi aqshasyn paıdalana almaǵan. Sondyqtan aqshany tabýdyń ońaı jolyn izdep, aram oı týyndap, ony iske asyrý úshin kórshi áıeldi paıdalanǵan. ıAǵnı jábirlenýshi kórshi áıelge baryp, bank kártishkesine tanysyna aıtyp aqsha saldyryp, sosyn shyǵaryp alamyn dep ótingen. Osylaısha jalǵan syltaýmen jábirlenýshiniń qupııa kodyn, derekterin bilip alyp, 3 bankten 300 myńnan astam teńgege onlaın-nesıe rásimdegen. Sondaı-aq, jábirlenýshi áıeldiń shotyna kelip turǵan júktilik kezinde beriletin bir rettik járdemaqysy, ıaǵnı 400-myńnan astam aqshasyn uıaly telefon arqyly basqaryp, óz paıdasyna jaratqan. Jalpy kúdikti áıel óziniń kórshisine 700 myńnan astam teńgege shyǵyn keltirgen.
Búgingi tańda Arys aýdandyq polıtsııa bólimine kúdiktige qatysty tergep-tekserý amaldary júrgizilýde. Kúdikti áıel eshqaıda ketpeý týraly jáne tıisti minez-qulyq týraly qolhat berdi. Al, polıtseılerdiń aıtýynsha, atalǵan iske qatysty tergeý amaldary tolyq aıaqtalǵannan soń, is sotqa joldanbaq.
Óz kezeginde oblys polıtseıleri tulǵalarǵa artyq senim bildirip qupııa derekterdi, tólqujat nómirlerin aıtýǵa bolmaıtyndyǵyn eskertedi. Alaıaqtardyń qurbanyna aınalsańyz nemese kýási bolsańyz mindetti túrde polıtsııanyń jedel jelisi 102-ge habar berińiz. Bul óz kezeginde polıtseılerdiń qylmysty izin sýytpaı ashýǵa kómegin tıgizedi.
