Arys turǵyndaryna barlyq oblys, eń aldymen Úkimet kómektesedi - QR Prezıdenti

NUR-SULTAN. QazAqparat - Arystaǵy áskerı bólimshedegi oq-dári qoımasynan shyqqan jarylystan zardap shekken qala turǵyndarymen Qazaqstan Prezıdenti Qasym-Jomart Toqaev kezdesip, barlyq máseleni jeke óz baqylaýyna alǵanyn aıtty.

Memleket basshysynyń turǵyndarmen kezdesý sáti beınelengen vıdeo materıaldy QR Prezıdentiniń baspasóz hatshysy Berik Ýálı Facebook-tegi paraqshasynda jarııalady, dep habarlaıdy QazAqparat tilshisi.

«Meniń tapsyrmam boıynsha barlyq oblys, eń aldymen Úkimet kómektesetin bolady. Balalarǵa qatysty aıtar bolsam, qazirdiń ózinde eki oblys - Aqmola men Pavlodar oblystary balalardy bastarynan ótkergen osynaý qorqynyshty seıiltip, demalýy úshin jazǵy maýsymda ózderinde qabyldaýdy usynyp otyr. Sál-sál shydańyzdar, bári durys bolady. Bul máselelerdiń barlyǵyn jeke ózimniń baqylaýyma alamyn», - dedi Qasym-Jomart Toqaev.