Arys turǵyndaryna 100 myń teńge ótemaqy beriletin bank kartalary taratyldy
«100 myń teńge tirkeýde
turǵandarǵa túgel taratylady. Anyqtalǵan 55 myńnan astam adam 12 tamyzdan
bastap qarajatqa qol jetkizedi. Búgingi tańda eki aýyldyq eldi meken men Arys qalasyndaǵy
17 sektorda bank kartalary taratylýda. Qyzylorda, Jambyl jáne Shymkent qalasynan
«Halyq bankiniń» 120 qyzmetkeri Arysqa arnaıy kelip
jumys júrgizýde», delingen habarlamada.
Túrkistan oblysy ákiminiń orynbasary Joldymurat Amanbaev, aqshany alýdyń tártibin túsindirdi.
«Osy ýaqytta 33 myń bank kartochkasy jasaldy. Elimiz egemendigin alǵannan beri dál bulaı, bir aıdyń ishinde osynshama qujat jınalyp, 33 myń kartochkany daıyndaý degen bolǵan emes. Qazirgi tańda sol daıyn bolǵandary taratylyp jatyr. Biraq ázirge aqsha salynǵan joq. ıAǵnı, 100 myń teńgeni 12 tamyzdan bastap ala alady. Al qazirgi negizgi jumys kartany taratý. Demek, barlyǵy túgel qol jetkizgende aqshany túsiremiz. Eń kóp 9 sektorda 3 771 qujat jınalǵan. Qalany kóshe-kóshege bóldik», – dedi oblys ákiminiń orynbasary J.Amanbaev.
Eldi sabyrǵa shaqyrǵan jaýapty basshylar, turǵyndardyń tolǵandyrǵan suraqtaryna jaýap beretin, arnaıy komıssııa jumys jasap jatqanyn jetkizdi. Al tizimge kirmeı qalǵan oqýshylar, mektepter arqyly anyqtalyp jatqany jarııa etildi.
Aıta keteıik, ótemaqy qarjyny atalmysh banktiń kez kelgen bankomatynan alýǵa bolady. Qarjynyń túsken nemese túspegenin anyqtaý úshin, kartochkany bankomatta 3-retten artyq qoldanýǵa bolmaıdy. Sebebi 3 retten artyq qoldanǵan jaǵdaıda bank komıssııa tólemi ustalady. Sonymen qatar sot sheshimimen qaryzdary bolǵan azamattarǵa tólem kartalary ashylmaıdy. Mundaı jaǵdaıda azamat senimdi ókiline notarıaldy senim bildire otyryp, ótemaqyny senim bildirgen ókili arqyly alýyna bolady. Al úılerinde bolmaǵan azamattar kartalaryn 2019 jyldyń 15 tamyzynan bastap, Arys qalalyq «Halyq bank» fılıaldarynan alady. Bank kartasyna túsken qarjydan banktiń komıssııalyq tólemderi ustalmaıdy.
Jalpy, búginde tańda Arys qalasynda atalmysh banktiń 12 bankomaty qoıylǵan. Sonymen qatar qosymsha taǵy 7-8 bankomat ornatylmaq.
