Arys turǵyndaryn 100 avtobýs tasymaldaýda

ShYMKENT. QazAqparat - Arys turǵyndaryn Shymkentke jetkizý úshin qala ákimdigi tarapynan 100 avtobýs bólindi, dep habarlaıdy QazAqparat.

Buǵan qosa, Arys baǵytyna ketip bara jatyp, Shymkentte toqtatylǵan 6 poıyzdyń jolaýshylaryn Túrkistan qalasyna jetkizý úshin 43 avtobýs baǵyttaldy. 24 maýsym kúni osy avtobýstarmen Túrkistan qalasyna 2500-den astam adam attandy.

Arys qalasyndaǵy qutqarý operatsııalaryna qatysý úshin 6506 áskerı bóliminen 541 sarbaz attandyryldy.

24 maýsym kúni Shymkenttegi mektep jáne kolledjerde 15 evakýatsııalyq pýnkt ashylyp, Arys turǵyndary sonda ornalastyrylýda. Azamattar ystyq tamaq jáne aýyz sýmen qamtamasyz etilýde. Azyq-túlik, kıim-keshek, aıaq kıim, kórpe-tósek, balalarǵa qajet zattardy Shymkenttiń kóptegen turǵyndary da jetkizýde.