Arys stantsııasyndaǵy bas joldarda qozǵalys qalpyna keltirildi

ARYS. QazAqparat - Keshe, 26 maýsymda temirjoldar oq-dáriden tazartylyp, jóndelip, baılanys jelisine kerneý berilgen soń basty joldarda qozǵalys qalpyna keltirildi, dep habarlaıdy QazAqparat Qazaqstan temir jolynyń baspasóz qyzmetine silteme jasap.

Atap aıtqanda, myna ýchaskelerde: Arys-Taldyqudyq - jup jol boıynsha, Shaǵyr-Taldyqudyq - taq jol boıynsha, Qalash-Arys-2 - jup jáne taq jol boıynsha, Aqdala-Arys-2 - jup jol boıynsha qozǵalys ashyldy.

Alǵashqy №369 «Novosıbırsk-Tashkent» jolaýshylar poıyzy 26 maýsymda Shymkent stantsııasynan 22 saǵat 30 mınýtta jóneltildi.

Arys stantsııasy tek basty joldarmen júrý úshin ashyq. Suryptaý jáne qabyldap-jóneltý joldary qozǵalys úshin áli jabyq.

26 maýsymnan 27 maýsymǵa qaraǵan túni Arys stantsııasy boıynsha 23 poıyz ótkizildi, onyń ishinde 7 jolaýshy, 8 konteınerlik, 8 júk poıyzy.

Qazirgi ýaqytta kestege poıyzdardy engizý boıynsha barlyq qajetti sharalar qabyldanýda.