Arys ózenine aǵyp ketken balanyń máıiti 6 kúnnen beri izdestirilýde
ShYMKENT. QazAqparat - Ońtústik Qazaqstan oblysy, Otyrar aýdanynda sýǵa ketken 7 jasar balanyń máıiti áli tabylmaı jatyr, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, 31 qańtarda Arys ózenine aǵyp ketken balany izdestirý jumystary áli jalǵasyp jatyr.
«Іzdeý jumystaryna 11 adam men 2 tehnıka, TJD jedel-qutqarý jasaǵynyń 1 júzý quraly jumyldyrylǵan. Al, Otyrar aýdanynyń tótenshe jaǵdaılar bóliminiń 13 jáne ishki ister basqarmasynyń 7 qyzmetkeri jáne 2 tehnıkasy, jergilikti turǵynar men týystarynan 10 adam izdestirýde», - delingen habarlamada.
Qutqarýshylar 8 gradýs aıazda Arys ózenine túsip, 5 metrge deıin tereńdikten izdeý jumystaryn júrgizip jatyr. Ázirge nátıje joq.
Eske salsaq, 7 jasar balanyń Arys ózenine túsip ketkeni týraly buǵan deıin habarlaǵan bolatynbyz.
