Arys oqıǵasy: Áıeldi arqasyn tósep, kólikke mingizgen áskerı jelide tanymal boldy

NUR-SULTAN. QazAqparat - Tótenshe jaǵdaılar komıteti áleýmettik jelige tarap ketken sýretke túsinik berdi, dep habarlaıdy QazAqparat tilshisi.

«Fotoda Shymkent qalasy tótenshe jaǵdaılar departamentiniń órt sóndirýshileri Abylaı Babahan, Beksultan Ibadýlla, Úsen Qazybek, Eldar Qyryqbaev áıel adamnyń mashınaǵa minýine kómektesip jatyr. Sýret keıipkeri evakýatsııa beketine aman jetti», - delingen aqparatta.

«Instagram» áleýmettik jelisinde taraǵan fotoǵa 1 myńnan astam oń kommentarıı jazylyp, 56 myń adam «unatý» basqan bolatyn.

Eske salsaq, QR Іshki ister mınıstrligi Arys qalasynda 350 adamnyń joǵalyp ketkeni týraly aqparatqa baılanysty resmı málimet bergen bolatyn.
Buan deıin Arysty qalpyna keltirýge Úkimet rezervinen qarjy bólinetini habarlandy.
Sondaı-aq, búgin Arys turǵyndaryn qaıta qujattandyrý bastaldy.