Arys mektepteri 1 qyrkúıekke deıin saqadaı-saı bolady – QR BǴM
NUR-SULTAN. QazAqparat - QR Premer-mınıstri Asqar Mamın jumys saparymen Túrkistan oblysyna bardy. Іs-sapar barysynda QR Bilim jáne ǵylym mınıstri Ashat Aımaǵambetov Premer-mınıstrge Arys qalasyndaǵy mektepterdiń jańa oqý jylyna daıyndyǵy týraly esep berdi, dep habarlaıdy QazAqparat.
Sonymen qatar, ol 1-synypqa balalardy qabyldaý mınıstrliktiń erekshe baqylaýynda ekenin atap ótti: «Bıyl Arysta 2318 bala mektep tabaldyryǵyn attaıdy, búldirshinder úshin mektep orny jetkilikti, muǵalimdermen qamtamasyz etiledi».
Oqý jylynyń basyna deıin mınıstrlik ákimdikpen birlesip, balalarǵa oqýlyqtardyń tolyq jetkizilýin qadaǵalaıtyn bolady.
Mınıstr bilim berý uıymdarynyń jańa oqý jylyna daıyndyǵy máselesine toqtalyp, ákimdiktiń aqparaty boıynsha, barlyq bilim berý nysandaryndaǵy qurylys-montajdaý jumystary 1 qyrkúıekke deıin tolyǵymen aıaqtalyp paıdalanýǵa beriletindigin atap ótti.
«Jańa oqý jylynyń bastalǵannan keıin de Arys qalasy balalarynyń jaǵdaıy mınıstrliktiń únemi nazarynda bolady»,- dedi Ashat Aımaǵambetov.
