Arys mańyndaǵy qystaýdan joǵalyp ketken balalar tabyldy - polıtsııa
TÚRKІSTAN. QazAqparat – Túrkistan oblysyna qarasty Arys qalasynyń mańyndaǵy aýyldardyń biriniń qystaýynan joǵalyp ketken aǵaıyndy balalar tabyldy, dep habarlaıdy QazAqparat Túrkistan oblystyq Polıtsııa departamentiniń baspasóz qyzmetin silteme jasap.
Baspasóz málimetterine qaraǵana, 5 jáne 8 jastaǵy balalarynyń úıleriniń janynda oınap júrip joǵalyp ketkeni týraly habardy Arys aýdandyq polıtsııasyna balalardyń anasy jetkizgen.
Jaısyz habar birden tirkeýge alynyp, balalardy izdeýge Túrkistan oblysy Polıtsııa departamentiniń krımınaldyq polıtsııa basqarmasynan tájirıbeli polıtseıler shyqqan. Balalardyń aıryqsha belgileri týraly jan-jaqqa arnaıy aqparat taratylyp, izdeý jumystaryna áskerıler men eriktiler de jumyldyrylǵan.
Olar balalar joǵalǵan aımaqtyń ár túkpiri men shuńqyryna deıin tintip shyqty. Qajetti degen sharalardyń barlyǵyn atqardy. Balalar bir táýlikten soń úıden 10 shaqyrymdaı qashyqtyqtaǵy shuńqyrdan tabyldy.
Qaryndary ashyp, sýyqqa tońyp qalǵany bolmasa, zardap shekpegen. Úılerinen shyǵyp, adasyp ketken balalardy Arys aýdandyq polıtsııa basqarmasynyń ıývenaldy polıtsııa ınspektorlary ata-anasyna aman-esen tabystady. Balalardyń ata-anasy polıtsııa qyzmetkerlerine alǵys aıtty.
Osyǵan deıin Arysta 5 jáne 8 jastaǵy aǵaıyndy balalar izdestirilip jatqandyǵy týraly habarlaǵanbyz.
