Arys qalasynyń salyq tóleýshilerine jeńildikter jasaldy - Kirister komıteti
Bul shara Arys qalasyn qalpyna keltirý jáne onyń áleýmettik - ekonomıkalyq damýyn qamtamasyz etý úshin TJ saldaryn joıý jónindegi komıssııanyń otyrysynda aıtylǵan Premer-Mınıstrdiń tapsyrmasynda kórsetilgen.
Salyq bereshegi bar salyq tóleýshiler boıynsha merzimin keıinge qaldyrý jáne uzartý boıynsha jumys qysqa merzimde jáne ońaılatylǵan tártippen júrgiziletin bolady.
«Salyq jáne bıýdjetke tólenetin basqa da mindetti tólemder týraly» QR Kodeksine sáıkes salyqtardyń jáne (nemese) tólemaqylardyń somalaryn bir mezgilde teń úlestermen aı saıyn nemese toqsan saıyn tóleı otyryp, merzimin uzartý úsh jyldan aspaıtyn merzimge beriledi.
Salyq tóleýshiniń jáne (nemese) úshinshi tulǵanyń jáne (nemese) banktik kepildikterge qoıylǵan múlkin kepilge qoıyp salyq tóleýshiniń ótinishi boıynsha keıinge qaldyrý nemese bólik tóleý usynylady.
Arys qalasynyń salyq tóleýshisi keıinge qaldyrýdy nemese bólik tóleýdi alǵan kezde ósimpul esepteýden bosatylatyn bolatynyn atap aıtý kerek.
Sonymen qatar Arys qalasynyń barlyq salyq tóleýshilerine:
dara kásipkerlerdiń jekelegen sanattarynyń qyzmetin ońaılatylǵan tártipte toqtatý úshin;
elektrondy túrde qosylǵan qun salyǵy boıynsha tirkeý esebine qoıý úshin qosylǵan qun salyǵy boıynsha tirkeý esebi týraly salyqtyq ótinishti berý quqyǵyn usynýǵa, salyq eseptiligin tabys etýdi uzartý quqyǵyn berý (uzartý múmkindigi 1 aıǵa deıingi merzimge), salyq eseptiligin tabys etýdi (uzartý, qaıta bastaý) toqtatý múmkindigi berildi.
Mundaı salyq tóleýshilerge salyqtyq ákimshilendirý sharalary qoldanylmaıdy, salyqtyq bereshekterdi óteý týraly habarlama joldanbaıdy, salyq tóleýshiniń (salyq agentiniń) kassasy boıynsha, banktik shottary boıynsha shyǵys operatsııalary toqtatylmaıdy, salyq tóleýshiniń (salyq agentiniń) múligine shekteý ókimi shyǵarylmaıdy, salyqtyq bereshekterdi májbúrlep óndirý sharalary qoldanylmaıdy.
Budan basqa, Komıtet barlyq kóshpeli salyqtyq tekserýlerdi, sondaı-aq basqa da salyqtyq baqylaýlardy shekteıdi.
