Arys qalasyndaǵy temirjol vokzalynyń jóndeý jumystary tolyǵymen aıaqtaldy

ARYS. QazAqparat – Arys qalasyndaǵy temirjol vokzalynyń jóndeý jumystary tolyǵymen aıaqtaldy. Búgin elimizdiń Premer-Mınıstri Asqar Mamın atalǵan qalaǵa is-sapary barysynda vokzaldy aralap kórip, abattandyrý jumystarymen tanysty, dep habarlaıdy QazAqparat tilshisi.

1904 jyly salynǵan Arys temirjol vokzaly toǵyz joldyń torabynda ornalasqan. Maýsym aıynda jarylys bolǵan kezde nysanǵa edáýir zaqym kelgen bolatyn. Apat bolǵan aımaqta 68 áleýmettik nysandy jóndeýdi óz moınyna alǵan «Samuryq Qazyna» UÁQ temir jol eki aıdan asa ýaqyt aralyǵynda tolyǵymen jóndep bitken.

«Temirjol vokzalyndaǵy jóndeý jumystar tólqujatyna sáıkestendirilip júrgizildi. Tek ǵımarat qana emes, vokzaldyń ınjenerlik-kommýnıkatsııalyq jelileri de tolyǵymen jańartyldy. Aınalasy abattandyrylyp, jalpy bul jumystarǵa 400 mln teńgeniń kóleminde jumsalǵan», - dedi «Samuryq Qazyna» UÁQ basqarma tóraǵasynyń orynbasary Arman Jetpisbaev.

Vokzaldyń jóndeý jumystaryn aralap kórgen Asqar Mamın atqarylǵan jumystarǵa oń baǵasyn berdi.