Arys qalasyndaǵy tseh jylyna 15 mln lıtr mıneraldy sý óndiredi

ARYS. QazAqparat - Túrkistan oblysy Arys qalasynda ornalasqan «Arys mıneraldy sý» JShS-i jylyna 18 mln lıtr mıneraldy sý óndiredi, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.

Jobanyń jalpy quny 250 mln teńgeni quraıdy. Búginde 50 adam jumys istep, táýligine 15 myń quty sý shyǵaryp otyr. Shıpaly sýsyn 1800 metr tereńdikten alynady.

Sýdyń emdik qasıeti mol, ol jóninde kýrortologııa ınstıtýtynyń qorytyndylary alynǵan. Qazirgi tańda seriktestik 0,5; 1; 1,5; 5; 19 lıtrlik qutylarǵa gazdalǵan jáne gazdalmaǵan sý shyǵarady.

Qazirge deıin ónim Arys qalasy men Túrkistan oblysynyń ózge aýdandaryna jóneltilýde. Aldaǵy ýaqytta Arys mıneraldy sýy respýblıkanyń ózge oblystaryna jiberilmek. Sonymen qatar, seriktestik 30 mln teńge qarjy jumsap, emdik monsha da salǵan. Onda bir ýaqytta 80 adamǵa qyzmet kórsetiledi.