Arys qalasynda Shámshi Qaldaıaqovqa eskertkish-bıýst ornatyldy

ARYS. QazAqparat - El Táýelsizdiginiń 30 jyldyǵy qarsańynda Túrkistan oblysynyń Arys qalasyndaǵy Mádenıet úıinde Qazaqstannyń Halyq ártisi, kompozıtor Shámshi Qaldaıaqovqa eskertkish-bıýst ornatyldy, dep habarlaıdy QazAqparat tilshisi.

Sondaı-aq óskeleń urpaqqa sazgerdi nasıhattaý maqsatynda bıýst janynan «Shámshi buryshy» ornalastyryldy.

Saltanatty is-sharaǵa qala turǵyndarymen qatar, Almatydan kelgen bir top zııaly qaýym ókilderi qatysty.

Jıynda sóz sóılegen qala ákimi Gúljan Qurmanbekova arystyqtardyń erekshe yqylasyna bólengen uly kompozıtor týraly aqjarma tilegin jetkizdi.

Shara sońy qalalyq Mádenıet úıiniń ónerpazdary uıymdastyrǵan kontserttik baǵdarlamaǵa ulasty.

Aıta keterligi, eskertkish-bıýst avtory – Arys qalasynyń týmasy, Qazaqstannyń Eńbek sińirgen óner qaıratkeri, músinshi Tileýberdi Bınashev óner týyndysyn qalanyń 65 jyldyq mereıtoıyna oraı syıǵa tartty.

Eske salsaq, búgin Arys qalasynda kórnekti memleket jáne qoǵam qaıratkeri Dinmuhammed Qonaevqa ornatylǵan eskertkish-bıýst saltanatty túrde ashylǵan bolatyn.