Arys qalasynda poıyz konteınerine tıelgen sary fosfor janyp jatyr

ARYS. QazAqparat – Túrkistan oblysy Arys qalasynyń temirjol vokzalynda metall konteınerge tıelgen sary fosfor janyp jatyr. Bul týraly óńirdiń Tótenshe jaǵdaılar departamentinen málim etti, dep habarlaıdy QazAqparat.

«6 tamyz kúni saǵat 16:25-te Arys qalasy, «Arys» temirjol vokzaly, júk poıyzynyń (derekter qarastyrylýda) №54755392 metall konteınerinde órt shyqty (sary fosfor). «QTJ» AQ kúshterimen vagon poıyzdan ajyratyldy jáne shlamǵa arnalǵan 30-shy jolǵa qoıyldy (joıý tuıyǵy). Oqıǵa basqa poıyzdardyń qozǵalysyna áser etken joq», - delingen habarlamada.

Málimetke sáıkes, órtti sóndirý boıynsha shtab uıymdastyryldy. Qazirgi ýaqytta tótenshe jaǵdaıdy joıýǵa jumyldyryldy: TJD-nyń 26 qyzmetkeri men 5 tehnıkasy, «QTJ» AQ-nyń 12 qyzmetkeri, 1 tehnıkasy men órt sóndirý poıyzy, Jelilik polıtsııa bóliminiń 20 qyzmetkeri men 1 tehnıkasy, QR Qorǵanys mınıstrligi 44859 áskerı bóliminiń 8 áskerı qyzmetshisi men 2 tehnıkasy, Arys aýdandyq sanıtarlyq -epıdemıologııalyq baqylaý bóliminen 3 qyzmetker jáne 1 tehnıka.