Arys qalasynda «Olımpıada shyńy» sporttyq estafetasy bastaldy

TÚRKІSTAN. QazAqparat - Búgin Arysqalalyq sport kesheninde Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda «Olımpıada shyńy» estafetasy bastaý aldy, dep habarlaıdy QazAqpaarat óńir basshysynyń baspasóz qyzmetine silteme jasap.

Túrkistan oblystyq «Rýhanı jańǵyrý» jobalyq keńsesi men Arys qalasy ákimdigi uıymdastyrǵan estafetanyń maqsaty - jastardyń boıyna «Rýhanı jańǵyrý» baǵdarlamasyndaǵy «Pragmatızm», «Básekege qabilettilik» basymdyǵyn sińirý, paıdaly istermen aınalysý, ózin-ózi jetildirý, ýaqytty tıimdi paıdalanýǵa úıretý jáne baýlý. Sondaı-aq, jastarymyzdyń bolashaqta «Olımpıada shyńyn» baǵyndyryp, chempıon bolýǵa jol ashý.

Atalǵan estafetany qala ákiminiń orynbasary R.Aıtbaev ashyp, quttyqtaý sóz sóılep, estafetanyń kýbogyn Shardara aýdanynan kelgen delegattarǵa saltanatty túrde tabys etti. Estafetaǵa Qoǵamdyq sanany jańǵyrtý baǵdarlamasyn júzege asyrý jónindegi Túrkistan oblysy boıynsha aımaqtyq jobalyq keńsesiniń jetekshisi B.Áshirbekov «Olımpıada shyńy» sporttyq estafetasyna qatysqan jas sportshylarǵa sáttilik tiledi.

Aıta keteıik, estafeta Túrkistan oblysyndaǵy barlyq qala jáne aýdandarda jalǵasyn tabatyn bolady.