Arys qalasynda merekelik sharalar jalǵasýda

ShYMKENT. QazAqparat - Qazaqstan Respýblıkasy Táýelsizdiginiń 25 jyldyǵyna arnalǵan «Uly dala eli - Táýelsizdiktiń 25 negizi» atty 25 juldyzdy kún aıasynda qalalyq «Bilim bólimi» memlekettik mekemesiniń №2 bastaýysh mektebinde «Biz- Təýelsiz Qazaqstannyń bolashaǵymyz!» taqyrybynda patrıottyq kesh pen qaladaǵy I.Jýrba atyndaǵy jalpy orta mektebiniń joǵarǵy synyp oqýshylar arasynda «Təýelsizdik-elimniń maqtanyshy» taqyrybynda dóńgelek ústel ótti, dep habarlaıdy qala ákimdiginiń baspasóz qyzmeti.

Keshtiń maqsaty Qazaqstannyń tarıhy týraly zerdemizdi qaıta paraqtap, jańasha oı túıindeý. Jas urpaqtyń oılaý qabiletterin arttyrý, óz oıyn ortaǵa salýǵa, otansúıgishtikke, ultjandylyqqa tərbıeleý bolyp tabylady.

Atalǵan keshte oqýshylar Táýelsizdik taqyryptarynda taqpaqtar aıtyp, patrıottyq ánderden shashý-shashyp, myń burala bı bıledi. Sonymen qatar, Qazaqstan Respýblıkasy Təýelsizdiginiń 25 jyldyǵyna oraı qaladaǵy I.Jýrba atyndaǵy jalpy orta mektebiniń joǵarǵy synyp oqýshylar arasynda «Təýelsizdik-elimniń maqtanyshy» taqyrybynda dóńgelek ústel ótti. Sharanyń maqsaty óskeleń urpaqtyń el tarıhyn tereńinen túsinýine yqpal jasaý, ulttyq sana-sezimin oıatý, bilimderin shyńdaýmen qatar Otanymyzǵa degen súıispenshilikti arttyrý bolyp tabylady. Oqýshylar elimiz týraly tanymdyq bilim deńgeılerin kórsetip, ulttyq qundylyqtarymyzdy dáriptep, óz bilimdilikterin kórsetti.