Arys qalasynda «Qazaq eline alǵys» atty memorıaldyq taqta ornatyldy
ARYS. QazAqparat - Arys qalasynda «Qazaq eline alǵys» memorıaldy taqtasynyń ashylý saltanaty ótti.
Ol 2019 jylǵy 24 maýsymda bolǵan jarylystyń zardabyn joıýǵa qatysqan barsha azamattar men óńirlerge alǵys retinde ornatylyp otyr, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Jıynǵa Arys qalasynyń ákimi Gúljan Qurmanbekova, qalalyq máslıhattyń hatshysy A.Baıtanaev, eńbek ardagerleri, men zııaly qaýym ókilderi qatysty. Sharada alǵash sóz alǵan shahar basshysy memorıaldy taqtanyń mán-mańyzyna toqtaldy.
«Arys qalasyn qaıta qalpyna keltirý jumystary Elbasy N.Nazarbaevtyń, Memleket basshysy Q.Toqaevtyń, QR Premer Mınıstri A.Mamınniń, oblys ákimi Ó.Shókeevtiń tikeleı baqylaýynda boldy. Úkimet basshysynyń tapsyrmasyna sáıkes, Arys qalasynyń aýmaǵy 17 sektorǵa bólinip, Nur-Sultan, Almaty, Shymkent qalalary men oblystarǵa bekitilip berildi. Oblys ákiminiń basshylyǵymen turǵyndardy azyq-túlikpen qamtamasyz etý, qoǵamdyq tártipti saqtaý, qalany qaıta qalpyna keltirý maqsatynda 17 shtab quryldy. Az ǵana ýaqyttyń ishinde qala túgeldeı jańǵyrdy, jańadan úıler salynyp, zaqymdanǵan ǵımarattar qaıta qalpyna keltirilip, joldar jańardy. Jańa nysandar boı kóterdi. Arys qalasy jańa keıipke endi. Bul búkil eldiń jumyla kirisip, birlikpen atqarǵan isiniń nátıjesi. Sondyqtan Arys qalasy turǵyndary qalany qalpyna keltirýge atsalysqan barsha otandastarymyzǵa, Qazaq Eline alǵys aıtady», - dedi Gúljan Mamytqyzy.
Jıyn sońy mádenıet úıi qyzmetkerleriniń kontserttik baǵdarlamasyna ulasty. Memorıaldy taqtany jasaǵan jergilikti músinshi Mútálip Kúzdeýbaev, al taqtadaǵy mátin avtory jergilikti aqyn Myńjasar Dármenov.
