Arys qalasynda bir úı sý astynda qaldy
«Eldi mekenderdi aralaý jalǵasýda.
Qutqarý bólimsheleri men JAO jedel sharalardy uıymdastyrý arqyly jaǵdaıdy turaqtandyrdy.
Arys qalasynda bir úı sý astynda qaldy. Eldi mekenderde negizinen aýla aýmaqtary sý astynda qaldy, onda sýdy soryp shyǵarý jumystary júrgizilýde», - dedi mınıstr.
Eske sala keteıik, 2 aqpanda Kentaý, Túrkistan qalalarynda jáne Báıdibek, Saýran, Ordabasy aýdandarynda jaýyn-shashynnan kósheler men aýlalardy sý basyp jatqanyn habarlaǵan edik.
Óńirde kóligimen tasqyn sý ortasynda qalyp qoıǵan turǵyndar qutqaryldy. Túrkistan oblysynyń ákimi tasqyn sý kirgen eldi meken turǵyndarymen kezdesti.
Biz sondaı-aq Kentaý qalasy men Saýran aýdanynda tótenshe jaǵdaı jarııalanýy múmkin ekenin jazdyq.
4 eldi mekende sý burý jumystary júrgizilip jatyr, turǵyndar úshin «jedel jeli» iske qosyldy.
Qazgıdromet sınoptıkteri Túrkistan oblysynda búgin de jaýyn jaýyp, ózenderde sý deńgeıi kóteriletinin eskertti.
Foto: t.me/qr_tjm
