Arys qalasynda 674 úıde qalpyna keltirý jumystary júrgizildi
Aýqymdy jumysqa 110 qurylys kompanııasy tartylǵan. Bul týraly QR Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Qurylys jáne TKSh isteri komıtetiniń málimeti boıynsha, 4699 qurylysshy men 207 arnaıy tehnıka 2989 jeke turǵyn úı qurylysy men KPTÚ nysandarynda (bir kún buryn 2725 nysanda) jumys isteıdi.
Arys qalasynyń turǵyn úı qoryn jedel qalpyna keltirý maqsatynda árbir óńir men respýblıkalyq mańyzy bar qalalar úshin 17 sektorǵa bólingen.
Jóndeý jumystary SQO, Atyraý oblysy, Pavlodar oblysy, BQO jáne Aqtóbe oblysy sektorlary boıynsha jaqsy qarqynmen júrgizilýde. Qostanaı oblysy, ShQO jáne Almaty oblysy sektorlarynda jumystardyń baıaý qarqyny baıqalady.
«Atalǵan óńirler jumysty kúsheıtip, turǵyn úılerdi jóndeý men qalpyna keltirý qarqynyn arttyrýy qajet», - dep atap ótti QR IIDM vıtse-mınıstri Qaıyrbek Óskenbaev jergilikti atqarýshy organdar ókilderimen ótken keńes barysynda.
Ol sondaı-aq qurylys barysyn baqylaý kún saıyn júrgizilip jatqanyn atap ótti.
Esterińizge sala keteıik, Elbasy men Memleket basshysynyń tapsyrmasy boıynsha barlyq búlingen jáne buzylǵan nysandar 2019 jyldyń 1 tamyzyna deıin tapsyrylýy tıis.