Arys qalasynda 100-den astam otbasy turǵyn úımen qamtylmaq
TÚRKІSTAN. QazAqparat - Túrkistan oblysyna qarasty Arys qalasynda 1300-den astam azamat úı kezeginde tur. Qazir qalada 36 páterli úsh birdeı kópqabatty úıdiń qurylys jumystary júrýde. Bul týraly Túrkistan oblysy ákiminiń baspasóz qyzmeti uıymdastyrǵan press-týr barysynda belgili boldy, dep habarlaıdy QazAqparat tilshisi.
«Kóktem - 2» turǵyn aýdanynda salynyp jatqan úsh qabatty turǵyn úılerdiń jobalyq-smetalyq qujattary 2015 jyly bektilgen. Qazirgi tańda 3 úıdiń qurylysy tolyǵymen aıaqtalyp, memlekettik qabyldaýdan ótken. Munan bólek, qalada taǵy 36 páterli kóp qabatty úsh úıdiń qurylys jumystary júrýde.
BAQ ókilderi sondaı-aq jýyrda ǵana qurylys jumystary aıaqtalǵan sport alańshasymen de tanysty. Jobalyq quny 60 mln teńge turatyn nysannyń qurylys jumystary aǵymdaǵy jyldyń qyrkúıek aıynda aıaqtalyp otyr. Jýrnalıster sondaı-aq shahardaǵy turǵyn úı máselesine, áleýmettik jáne basqa da nysandarda atqarylyp jatqan jumystardyń barysyna qanyqty.
