Arys qalasynda 1 172 úı qalpyna keltirildi

ARYS. QazAqparat - Arys qalasynda 15 shildedegi jaǵdaı boıynsha 1 172 úı qalpyna keltirildi, dep habarlaıdy QazAqparat ındýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Mınıstrliktiń málimetinshe, jóndeý jumystary 4 504 jeke turǵyn úı qurylysy jáne kóppáterli turǵyn úı nysandarynda júrgizilip jatyr.

Qalany qalpyna keltirýge 197 qurylys kompanııasy, 3 159 qurylysshy jumyldyrylǵan. Qalanyń 17 sektorynda 250 arnaıy tehnıka jumys isteýde.

Sondaı-aq, 65 áleýmettik nysan qalpyna keltirilip jatyr, onda 1 746 qurylysshy jumys isteıdi.

Birinshi vıtse-mınıstr Qaıyrbek Óskenbaev bastaǵan IIDM mamandary Arys qalasyndaǵy úılerdiń monıtorıngin jáne qurylystyń barysyn baqylaýdy kún saıyn júrgizedi.

Elbasynyń jáne Memleket basshysynyń tapsyrmasy boıynsha barlyq búlingen jáne buzylǵan obektiler 2019 jyldyń 1 tamyzyna deıin jóndelýi tıis.