Arys qalasynan taǵy 145 bala Aqmola oblysynyń demalys lagerlerine keldi

KÓKShETAÝ. QazAqparat - Arys qalasynan taǵy 145 bala Aqmola oblysynyń demalys lagerlerine kelip jetti, dep habarlaıdy QazAqparat tilshisi.

Búgin Kókshetaý temirjol vokzaly perronynan olardy Aqmola oblysytyq bilim basqarmasynyń qyzmetkerleri, qoǵamdyq birlestikter men BAQ ókilderi qarsy aldy. Tótenshe jaǵdaı oryn alǵan Arystan jetken bul jolǵy 145 bala men 17 jetekshisi birneshe topqa bólinip, Shalqardaǵy Aqmola oblysynyń bilim basqarmasyna tıesili «Chaıka» jáne Zerendi aýdanyndaǵy «Avrora-Garden» demalys lagerlerine jiberildi.

«Shilde aıynyń basynan beri Aqmola oblysynda arystyq 245 bala demaldy. Búgin balalardyń úshinshi toby kelip otyr. Olar jıyrma kún boıy, óńirimizdiń ásem tabıǵatyn tamashalap, saf aýasymen tynystaıtyn bolady», - deıdi Aqmola oblystyq bilim basqarmasy basshysynyń orynbasary Botakóz Dúısenova.

Aslan Ospanov.