Arys qalasyna taıaýda gaz tartylady

TÚRKІSTAN. QazAqparat - Túrkistan oblysynda Temirlan eldi mekeninen Arys qalasyna deıin joǵarǵy qysymdy magıstraldyq gaz qubyry tartylǵany belgili. Búgin osy qubyrdy Arys qalasynyń negizgi gaz qubyryna qosý sharasyna oraı saltanatty jıyn ótti, dep habarlaıdy QazAqparat oblys ákiminiń baspasóz qyzmetine silteme jasap.

Jıynda Arys qalasynyń ákimi Murat Qadyrbek turǵyndardy «kógildir otynmen» qamtý máselesi únemi basty nazarda turǵanyn atap ótti. 

«Elbasynyń «5 áleýmettik bastama» atty úndeýindegi 5-bastamaǵa sáıkes, qalaǵa gaz qubyryn tartý - asa mańyzdy ári kópten kútken tarıhı oqıǵa. Oblysymyzdaǵy qalalar men aýdandardy gazben tolyq qamtamasyz etý úshin «Beıneý - Bozoı - Aqbulaq» magıstraldy gaz qubyry tartyldy. Osy qubyrdan Arys qalasyna da gaz jetkiziledi», - dedi qala ákimi.
Arys qalasyn «kógildir otynmen» qamtamasyz etý 3 kezeńnen turady. ıAǵnı, 2018 - 2025 jyldar aralyǵynda tıisti jumystar júrgizilip, arystyqtar tabıǵı gazben tolyq qamtylady degen jospar bar.