Arys qalasy janar-jaǵarmaımen tolyq qamtamasyz etiledi - Energetıka mınıstrligi

NUR-SULTAN. QazAqparat - Arys qalasyn janar-jaǵarmaımen qamtamasyz etý máselesi QR Energetıka mınıstrliginiń jiti baqylaýynda, dep habarlaıdy QazAqparat QR Energetıka mınıstrligine silteme jasap.

«Qazirgi ýaqytta QR Energetıka mınıstrliginiń qyzmetkerleri Arys qalasyndaǵy negizgi munaı ónimderin jetkizýshilermen jáne iri janarmaı beketteriniń basshylarymen turaqty baılanysta. Qajet bolǵan jaǵdaıda, Tótenshe jaǵdaılardyń aldyn alý jáne joıý máselesi boıynsha organdar Túrkistan oblysy ákimdigi arqyly Arys qalasyna janar-jaǵarmaıdyń qosymsha kólemin jóneltýdi uıymdastyrady», - dep habarlady mınıstrliktiń baspasóz qyzmeti.

Sonymen birge, tıisti qurylymdardy qamtamasyz etý úshin Shymkent munaı óńdeý zaýytynda munaı ónimderiniń qory jetkilikti ekendigin atap ótilgen. Onda benzınniń 30 myń tonna, dızel otynynyń 5,5 myń tonna qory bar.